The publisher archive
Browse the complete available article index, newest first. Open any report for its metadata and original publisher link.
හිටපු පාර්ලිමේන්තු මන්ත්රී චමල් රාජපක්ෂ මහතා අද (08) උදෑසන අල්ලස් කොමිසමට පැමිණ තිබේ. එයාර් බස් මිලදී ගැනීමේ සිද්ධිය සම්බන්ධයෙන් සිදුකරන පරීක්ෂණයන්ට අදාළව ප්රකාශයක් ලබාදීමට ඒ මහතා මෙලෙස අල්ලස් කොමිසම හමුවට පැමිණ ඇත.
රුපියල් කෝටි ගණනක් වටිනා අයිස් මත්ද්රව්ය තොගයක් සහිත තවත් කන්ටේනර් දෙකක් අත්අඩංගුවට ගැනීම සඳහා මධ්යම අපරාධ විමර්ශන ඒකකය සහ පොලිස් මත්ද්රව්ය නාශක අංශය විමර්ශන ආරම්භ කර ඇත. පසුගියදා කොළඹ වරායේදී අයිස් කිලෝග්රෑම් 475ක් සහිත කන්ටේනරය සමග අත්අඩංගුවට ගත් සැකකරුවන් 06 දෙනාගෙන් ප්රශ්න කිරීමේදී මෙම කන්ටේනර් දෙක පිළිබඳව තොරතුරු ලැබී තිබිණි.
ඉන්දීය ආරක්ෂක අමාත්ය ශ්රී රාජ්නාත් සිං මහතා තෙදින නිල සංචාරයක් සඳහා අද (08දා) ශ්රී ලංකාවට පැමිණෙයි. අද සිට ලබන 10 දා දක්වා සිදු කෙරෙන මෙම සංචාරය අතරතුර ඉන්දීය ආරක්ෂක අමාත්යවරයා ජනාධිපති අනුර කුමාර දිසානායක මහතා සමඟ කරුණු රැසක් පිළිබඳව සාකච්ඡා පවත්වනු ඇත.
වත්මන් රජයේ හිටපු බලශක්ති අමාත්ය කුමාර ජයකොඩි මහතාට එරෙහිව දූෂණ චෝදනාවක් සම්බන්ධයෙන් අල්ලස් කොමිසම විසින් ගොනු කරනු ලැබූ නඩුකරයේ වැඩිදුර සාක්ෂි විභාගය ඔක්තෝබර් මස 05 දා කැඳවන ලෙස කොළඹ මහාධිකරණය ඊයේ (07දා) නියම කළේය. මෙම නඩුව කොළඹ මහාධිකරණ විනිසුරු රශන්ත ගොඩවෙල මහතා ඉදිරියේ කැඳවනු ලැබිණි.
සියලු විද්යුත් මෝටර් රථ සඳහා කොළ පාට පසුබිම් සහිත අංක තහඩු නිකුත් කිරීමට පියවර ගෙන ඇති බව මෝටර් රථ ප්රවාහන දෙපාර්තමේන්තුව පවසයි. මේ වන විට කොළ පාට පසුබිම් සහිත අංක තහඩු 8,000ක් පමණ මුද්රණය කර ඇති බව එහි කොමසාරිස් ජනරාල් විශ්රාමික එයාර් වයිස් මාර්ෂල් තුෂාර ප්රනාන්දු මහතා ප්රකාශ කළේය.
ශ්රී ලංකා මහ බැංකුව පසුගිය අගොස්තු මාසයේ දී දේශීය විදේශ විනිමය වෙළෙඳපොළෙන් ඇමෙරිකානු ඩොලර් මිලියන 579 ක සැලකිය යුතු විදේශ විනිමය ප්රමාණයක් මිල දී ගෙන ඇත. පසුගිය මැදපෙරදිග යුධමය වාතාවරණය හමුවේ ඇති වූ විනිමය පීඩනය හමුවේ මහ බැංකුව මෙරට විනිමය වෙළෙඳපොළෙන් ඩොලර් මිල දී ගැනීම බෙහෙවින් සීමා විය.
රක්ෂිත බන්ධනාගාර ගත කර සිටින ශ්රී ලංකා පොදුජන පෙරමුණේ ජාතික සංවිධායක නාමල් රාජපක්ෂ මන්ත්රීවරයාට නිවසින් ආහාර ලබාගැනීමට අවසර ලබාදී ඇති බව බන්ධනාගාර දෙපාර්තමේන්තුව පවසයි. බන්ධනාගාර මාධ්ය ප්රකාශක සේනක පල්ලේතැන්න මහතා සඳහන් කළේ නාමල් රාජපක්ෂ මන්ත්රීවරයාගේ පාර්ශවයෙන් ලද ඉල්ලීමක් අනුව ඒ සඳහා අවසර ලබාදී ඇති බවය.
ජාත්යන්තර මූල්ය අරමුදලේ (IMF) විස්තීර්ණ අරමුදල් පහසුකම (EFF) යටතේ ක්රියාත්මක වන ආර්ථික ප්රතිසංස්කරණ වැඩසටහනේ හත්වැනි සමාලෝචනය සහ 2026 වසර සඳහා වන 4 වැනි වගන්ති උපදේශනය පිළිබඳ සාකච්ඡා කිරීම සඳහා IMF කාර්ය මණ්ඩල නියෝජිත කණ්ඩායමක් සැප්තැම්බර් 10 සිට 23 දක්වා ශ්රී ලංකාවට පැමිණීමට නියමිතයි. ඩොලර් බිලියන 2.9 ක වටිනාකමකින් යුත් මාස 48 ක මෙම වැඩසටහන 2027 මාර්තු මාසයේදී අවසන් වීමට නියමිත අතර ශ්රී ලංකාවට තවත් වාරික දෙකක් හිමිවීමට නියමිතව ඇත.
හිටපු අමාත්ය ජොන්ස්ටන් ප්රනාන්දු මහතා අත්අඩංගුවට ගෙන තිබේ. ඒ මහතා අල්ලස් කොමිසම හමුවේ ප්රකාශයක් ලබා දීමට අද පෙරවරුවේ පැමිණ තිබුණි.
ලංකා ඛනිජ තෙල් නීතිගත සංස්ථාව විසින් නැප්තා සහ දැවිතෙල් මිල ගණන් පහත දැමීමට තීරණය කර ඇත. ඒ අනුව, අද (04) මධ්යම රාත්රියේ සිට ක්රියාත්මක වන පරිදි නැප්තා ලීටරයක මිල රුපියල් 35කින් අඩු කර ඇති අතර එහි නව මිල රුපියල් 175කි.
හිටපු අමාත්යවරයෙකු වන ජොන්ස්ටන් ප්රනාන්දු මහතා අල්ලස් කොමිසම වෙත පැමිණ තිබේ. ප්රකාශයක් ලබා දීම සඳහා සිදුකළ කැඳවීමකට අනුව ඒ මහතා අල්ලස් කොමිසම හමුයට පැමිණ ඇති බවට වාර්තා වේ.
ශ්රී ලංකා කාන්තා ක්රිකට් කණ්ඩායමේ නායිකා චමරි අතපත්තු, ඉන්දුනීසියානු කාන්තා කණ්ඩායමට එරෙහිව විශිෂ්ට පන්දු යැවීමක නිරත වෙමින් ලකුණු 5කට කඩුලු 7ක් දවා ගැනීමට සමත්ව තිබේ. එය චමරි අතපත්තුගේ ක්රිකට් දිවියේ හොඳම පන්දු යැවීම ලෙස වාර්තා වන අතර, ජාත්යන්තර කාන්තා විස්සයි20 ඉතිහාසයේ 5 වන හොඳම පන්දු යැවීම ලෙසද සටහන් වේ.
මේ වසරේ ( 2026 ) ජනවාරි සිට ජූලි දක්වා කාලයේ දී මුළු ඉන්ධන ආනයන වියදම සියයට 59.9 කින් ඉහළ ගොස් ඇත. මේ අනුව ගිය වසරේ ( 2025 ) ජනවාරි සිට ජූලි කාලයේ මුළු ඉන්ධන ආනයන වියදම වූ ඇමෙරිකානු ඩොලර් මිලියන 2265.4 ක අගය මේ වසරේ (2025) ජනවාරි සිට ජූලි දක්වා කාලයේ ඇමෙරිකානු ඩොලර් මිලියන 3621.5 ක් දක්වා ඉහළ ගොස් ඇතැයි මහ බැංකුව පවසයි.
මේ වසරේ (2026 ) මුල සිට අගෝස්තු මස අවසානය ඇමෙරිකානු ඩොලරයට සාපේක්ෂව ශ්රී ලංකා රුපියලේ පිරිහීම සියයට 5.5 ක් දක්වා අඩු වී තිබේ. මේ වසරේ (2026 ) මුල සිට ජුලි මස අවසන්ය දක්වා කාලයේ දී ඇමෙරිකානු ඩොලරයට සාපේක්ෂව ශ්රී ලංකා රුපියලේ පිරිහීම සියයට 7.8 ක් දක්වා ඉහළ ගොස් තිබිණි.
